Obi son...
Si badjuda di kumpo pega tras di n'aie,
kumpo ta dispi padja i ta unta lama tambe.
voltas voltiadu toki nha folgus folga,
djambadon na nha pitu ka disam djitu di rispira,
n' ka misti fika, ma n' ka pudi ritira...
para pirmim pruthc, pabia n' na potcholi paratch,
ali panga-bariga patchari pabia bu pegam suma punduntu.
Pabia ki bu ka ntindi inda kuma...
Si badjuda di kumpo pega tras di n'aie,
Kumpo ta dispi padja pa trokal ku plake.
Si i bardadi kuma korson i ka bunda,
anta lantanda bu bunda na nha pitu,
pabia n' sta nam na djitu
di kutkuti pa sakudi
di es malfitu di bu pezu,
el ki pui n' na pega tesu,
pa n' ka paga es bu pres, o.
Alin bas di bo,
bu rafinka riba di mi, suma santchu na po,
alin li bas di bo, n' na longanta mon,
n' na sanau ku forsa, pa pidiu atenson...
bu fala abo i nha ermon, enton, para dja, pon,
tiran di tchon, pabia n' piza dja suma limon...
saklata...
Ma ke bu ka sibi kuma...
si badjuda di kumpo pega tras di n'aie,
kumpu ta fasi planus di kunsa randja lambe.
djubi kuma ki djus djagassinu djorson,
n'djarga na es djiu, n' na djundjun'a
pabia nim djapuf n' ka pudji dja otcha pa djanta,
bu na djanki mbludjus ki no djunta,
bu na djunda elis son pa bu djudju...
ma djimpini dja, djubi tambi kuma ami i djinti.
bu djuti na djitu di sedu djagra,
djankadim... dje...
rapara son kuma...
si badjuda di kumpo pega tras di n'aie,
kumpo ta dispi badja pa ba kulkal na bande?
anta assim ki toma tera sta?,
bu tchoma gera, bu toma sera
pa kortam es po nde ki n' pindra.
bu toma tera, bu toma stera bu sinta,
nim tchur ka tisidu inda?
tchur ka tchiga, ma bu tcholona dja bu prentchentches,
es tchaflakas ku tchampletas tchantchan'ido
ki bu ta tchuli pa e bim tchutchi djintis,
pa tchapa elis pa tchupa se os...
n'sta na tchintchim, i ka pabia tcheben tchiu,
i pabia n'na tchora nan tchur di galinhas ki para tchentchi.
bu pensa bu tchoka?...
ma kal nam pro ki di bo? falam de...
ke ninguim ka kontau kuma...
si badjuda di kumpo pega tras di n'aie,
kumpo ta dispi padja i ta unta lama tambe.
bu ta bim na kexa kuma ami ki ka na fasi dritu,
mas bu misti kume aruz, pa ami n' kume midju,
bu misti buli boka pa ami n' nguli kuspinhu...
saim na pitu... futseru... saim na pitu...
si badjuda di kumpo pega tras di n'aie,
kumpo ta miti boka, i ta miti mon, i ta miti pe.
Si badjuda di kumpo pega tras di n'aie,
kumpo ta dispi padja i ta unta lama tambe.
voltas voltiadu toki nha folgus folga,
djambadon na nha pitu ka disam djitu di rispira,
n' ka misti fika, ma n' ka pudi ritira...
para pirmim pruthc, pabia n' na potcholi paratch,
ali panga-bariga patchari pabia bu pegam suma punduntu.
Pabia ki bu ka ntindi inda kuma...
Si badjuda di kumpo pega tras di n'aie,
Kumpo ta dispi padja pa trokal ku plake.
Si i bardadi kuma korson i ka bunda,
anta lantanda bu bunda na nha pitu,
pabia n' sta nam na djitu
di kutkuti pa sakudi
di es malfitu di bu pezu,
el ki pui n' na pega tesu,
pa n' ka paga es bu pres, o.
Alin bas di bo,
bu rafinka riba di mi, suma santchu na po,
alin li bas di bo, n' na longanta mon,
n' na sanau ku forsa, pa pidiu atenson...
bu fala abo i nha ermon, enton, para dja, pon,
tiran di tchon, pabia n' piza dja suma limon...
saklata...
Ma ke bu ka sibi kuma...
si badjuda di kumpo pega tras di n'aie,
kumpu ta fasi planus di kunsa randja lambe.
djubi kuma ki djus djagassinu djorson,
n'djarga na es djiu, n' na djundjun'a
pabia nim djapuf n' ka pudji dja otcha pa djanta,
bu na djanki mbludjus ki no djunta,
bu na djunda elis son pa bu djudju...
ma djimpini dja, djubi tambi kuma ami i djinti.
bu djuti na djitu di sedu djagra,
djankadim... dje...
rapara son kuma...
si badjuda di kumpo pega tras di n'aie,
kumpo ta dispi badja pa ba kulkal na bande?
anta assim ki toma tera sta?,
bu tchoma gera, bu toma sera
pa kortam es po nde ki n' pindra.
bu toma tera, bu toma stera bu sinta,
nim tchur ka tisidu inda?
tchur ka tchiga, ma bu tcholona dja bu prentchentches,
es tchaflakas ku tchampletas tchantchan'ido
ki bu ta tchuli pa e bim tchutchi djintis,
pa tchapa elis pa tchupa se os...
n'sta na tchintchim, i ka pabia tcheben tchiu,
i pabia n'na tchora nan tchur di galinhas ki para tchentchi.
bu pensa bu tchoka?...
ma kal nam pro ki di bo? falam de...
ke ninguim ka kontau kuma...
si badjuda di kumpo pega tras di n'aie,
kumpo ta dispi padja i ta unta lama tambe.
bu ta bim na kexa kuma ami ki ka na fasi dritu,
mas bu misti kume aruz, pa ami n' kume midju,
bu misti buli boka pa ami n' nguli kuspinhu...
saim na pitu... futseru... saim na pitu...
si badjuda di kumpo pega tras di n'aie,
kumpo ta miti boka, i ta miti mon, i ta miti pe.
